جوجل أعلنت رسمياً عن وصول أندرويد 16، ودي خطوة بتغير بيها نظام التحديثات السنوي لنظام أسرع عشان الميزات توصل للمستخدمين أول بأول.
التحديث متاح دلوقتي لأجهزة Pixel المذكورة على الموقع الرسمي، وبيركز بشكل كبير على تقليل “دوشة” التنبيهات باستخدام الذكاء الاصطناعي اللي بدورة بيلخص الإشعارات الطويلة، وأداة تنظيم جديدة بتفلتر التنبيهات اللي مش مهمة للمستخدم بشكل تلقائي.
النظام يقدم خيارات تخصيص أكتر (Customization) زي تغيير أشكال الأيقونات وتوسع في الـ Dark Mode ليشمل تطبيقات أكتر، ده غير دمج أدوات الرقابة الأبوية (Parental Controls) جوه إعدادات الجهاز مباشرة عشان تكون أسهل وأقوى للأهالي اللي بتراقب اداء اطفالها على الانترنت.
