شاومي أعلنت رسمي عن جهاز Xiaomi 17 Ultra واللي بيجي بمعالج Snapdragon 8 Elite Gen 5 ورامات 12 أو 16 جيجا بايت ومساحة تخزين 256 أو 512 جيجا بايت أو 1 تيرا بايت وشاشة OLED قياسها 6.9 بوصة بريزليوشن 2608×1200 وإضاءة بتوصل لحد 3500nits ومعدل تحديث 120Hz وعليها طبقة حماية من شاومي اسمها Dragon Crystal Glass 3.0
جهاز Xiaomi 17 Ultra بيجي بـ 3 كاميرات ورا وتطويرهم بتم بالتعاون مع Leica والكاميرا الرئيسية فيهم 50 بيكسل والمستشعر بتاعها Light Fusion 1050L بحجم 1 بوصة وبفتحة عدسة f/1.7 والتانية 200 ميجا بيكسل لتقريب بصري ما بين 3.2x لحد 4.3x والكاميرا التالتة 50 ميجا بيكسل بزاوية واسعة 115 درجة وفتحة عدسة f/2.2 والكاميرا الأمامية 50 ميجا بيكسل
الجهاز بيجي ببطارية 6800 ميلي أمبير وبيدعم الشحن السريع 90 وات والشحن اللاسلكي السريع 50 وات وشحن أجهزة تانية بقوة 22.5 وات وشغال بنظام Android 16 مع واجهة HyperOS 3.0 وبيجي ببصمة مدمجة مع الشاشة
في نسخة خاصة من الجهاز بتيجي بحلقة حوالين الكاميرا علشان تعمل من خلالها التقريب وأنت بتصور والنسخة دي تم تصميمها بالتعاون مع شركة Leica ومفيش فارق في المواصفات بينها وبين النسخة العادية
الجهاز هيتوفر في الصين يوم 27 ديسمبر وشاومي أعلنت أنها هتوفر عالميًا خلال 2026 وسعره في الصين 6,999 يوان يعني حوالي 1000 دولار ونسخة Leica سعرها 7,999 يوان يعني تقريبًا 1140 دولار
