أعلنت ون بلس رسميًا عن جهاز OnePlus 15 واللي بيجي بشاشة OLED من تصنيع BOE وبتيجي بقياس 6.78 بوصة وبريزليوشن 1272×2772 ومعدل تحديث 165Hz ومعالج Snapdragon 8 Elite Gen 5 ورامات بحجم 12 أو 16 جيجا بايت ومساحة تخزين 256 أو 512 جيجا بايت أو 1 تيرا بايت.
الجهاز بيجي بـ 3 كاميرات ورا 50 ميجا بيكسل الرئيسية بفتحة عدسة f/1.8 والتانية واسعة الزاوية 116 درجة وبفتحة عدسة f/2.0 والتالتة للتقريب البصري 3x وبفتحة عدسة f/2.8 وكاميرا أمامية 32 ميجا بيكسل بفتحة عدسة f/2.4.
الجهاز بيجي ببطارية عملاقة 7300 ميلي أمبير وبيدعم الشحن السريع 120 وات والشحن اللاسلكي السريع 50 وات والشحن العكسي 10 وات اللي تقدر عن طريقه تشحن أجهزة تانية وبيجي الجهاز ببصمة في الشاشة من نوع Ultrasonic وشغال بـ Android 16 وواجهة OxygenOS 16 ومتوفر دلوقتي للبيع في الولايات المتحدة بسعر 900 دولار لنسخة 12 جيجا بايت رام و 1000 دولار لنسخة 16 جيجا بايت رام.
