أعلنت سامسونج بشكل رسمي عن سلسلة أجهزة Galaxy S26 بتصميم ما أختلفش كتير عن الجيل اللي فات وتحديثات مش كبيرة مقارنةً بالـ Galaxy S25.
أجهزة Galaxy S26 و S26+ بتيجي بمعالج Exynos 2600 (في معظم دول العالم) ورامات 12 جيجا بايت ومساحة 256 أو 512 جيجا بايت و 3 كاميرات ورا 50 ميجا بيكسل و 12 ميجا بيكسل واسعة الزاوية 120 درجة و 50 ميجا بيكسل للزوم 3x
الـ S26 شاشة 6.3 بوصة وبطارية 4300 ميلي أمبير وشحن سريع 25 وات والـ S26+ شاشة 6.7 بوصة وبطارية 4900 ميلي أمبير وشحن سريع 45 وات
الـ S26 سعره 899 دولار والـ S26+ سعره 1099 دولار
الـ S26 Ultra شاشة 6.9 بوصة ومعالج Snapdragon 8 Elite Gen 5 ورامات 12 أو 16 جيجا بايت ومساحة 256 أو 512 جيجا بايت أو 1 تيرا بايت وبطارية 5000 ميلي أمبير ودعم الشحن السريع 60 وات
4 كاميرات ورا 200 ميجا بيكسل وكاميرتين للزووم واحدة 3x والتانية 5x والأولى 50 ميجا بيكسل والتانية 10 ميجا بيكسل وكاميرا واسعة الزاوية 120 درجة 50 ميجا بيكسل وسعر الجهاز 1299 دولار
في شوية مميزات ذكاء اصطناعي جديدة في الأجهزة واللي هي:
وكيل ذكاء اصطناعي يقدر يحجز رحلات أوبر ويوصل لبعض التطبيقات على الجهاز وده مدعوم بـ Gemini
ميزة Photo Assistant للتعديل على الصور المدعومة بـ Nano Banana
ميزة Audio Eraser اللي بتخليك تكتم أي صوت في خلفية الفيديوهات اللي بتتفرج عليها على الأجهزة
ميزة Now Nudge اللي تقدر تشوف محتوى الشاشة وتقترح عليك حاجات مفيدة مناسبة للمحتوى ده
ميزة Call screening اللي تقدر ترد على المكالمات بدالك
سلسلة Galaxy S26 متاحة دلوقتي للطلب المسبق وهتتوفر يوم 11 مارس
